陈春瑞

1937年参军，在第48军174师当战斗兵（步兵），参加淞沪会战；部队发120粒子弹，四颗手榴弹，钢盔，黄色军装；后撤退到山东附近，近济南，然后部队拉回，不准去那么远打仗。

淞沪会战

上海

日本鬼放传单，话三日要打落上海，又话三日打落南京，一个礼拜打落汉口；广东军两个军，广西军两个军，打咗三个月，十几万兵差不多死晒。

总司令廖磊；师长王赞斌

1、我系民国26年去当兵，抗日战争吖。日本鬼放传单，话三日要打落上海，又话三日打落南京，一个礼拜打落汉口。2、丢那妈!广东军两个军，广西军两个军，打咗三个月。丢那妈!十几万兵差不多死晒。3、我当兵时候18岁。我的番号是48军。总司令系廖磊，三只石头的磊。详细冇记得自己边个师、团。4、我的师长叫王赞斌，佢系土匪头出身，熟晓功夫，一身好功夫，佢好多兵，你冇俾官佢当，佢冇肯出山招安。李宗仁、白崇禧你有咁多兵，佢又有咁多兵。后来白崇禧俾师长佢做，仲俾佢做副军长。5、我当兵系平乐的兵站。我当战斗兵，即系步兵，边有官俾我当阿?当官要高中生，大学生。广西军全部系德国枪，李宗仁、白崇禧去德国买噶。蒋介石都怕李宗仁、白崇禧。枪系模范式，第一名，拉起来咵咵咵响，冇话卡。6、部队发百二粒子弹，条条枪都发百二粒。四只手榴弹，有只钢盔。军装黄色，全军都系黄色。后来我们撤退到山东附近，7、后来退兵到山东，近济南那边。然后部队拉返来，冇准我哋去咁远打仗。